ХАЛЫҚАРАЛЫҚ ДАМУ ИНСТИТУТТАРЫНЫҢ ПРИЗМАСЫНДА ПЕРСОНАЛДЫ БАСҚАРУДЫҢ ЭКОЖҮЙЕСІ МЕН АДАМИ-ОРТАЛЫҚТАНДЫРЫЛҒАН ТӘСІЛІ: ҚАЗАҚСТАН ҮШІН ҰСЫНЫМДАР

Аңдатпа

Мақалада персоналды басқарудағы экожүйелік және адамға бағытталған тәсілдер, олардың өзара байланысы және мемлекеттік басқаруға ықпалы қарастырылады. ОЭСР, Дүниежүзілік банк, ХЕҰ және БҰҰДБ секілді халықаралық институттар әзірлеген тұжырымдамалар талданып, оларды Қазақстанда қолдану мүмкіндіктері зерттелді. Негізгі назар адам капиталын тиімді басқару жағдайларын жасауға, цифрлық технологияларды енгізуге және тұрақты кадрлық стратегияларды әзірлеуге аударылды. Экожүйелік тәсіл мемлекеттік мекемелерді, жеке секторды, білім беру ұйымдары мен қоғамдық институттарды қамтитын күрделі жүйенің құрамдас бөлігі ретінде персоналды басқаруға бағытталған. Адамға бағытталған тәсіл қызметкерлердің қажеттіліктері мен әл-ауқатына негізделген, бұл олардың жұмысқа деген қызығушылығын арттыруға және өнімділікті жоғарылатуға ықпал етеді. Зерттеу аясында Қазақстанның мемлекеттік басқару жүйесі үшін экожүйелік кадрлық платформаларды құру, еңбек жағдайларын дамыту, халықаралық стандарттарды енгізу, кадрлық саясаттың тиімділігін бағалау және HR процестерін цифрландыру бойынша ұсыныстар жасалды. Осы тәсілдерді енгізу Қазақстан мемлекеттік қызметінің тұрақтылығын және бейімділігін арттыруға, инновациялық кадрлық басқару әдістерін дамытуға ықпал етеді.