«БІР БЕЛДЕУ, БІР ЖОЛ» - ӨРКЕНИЕТТЕРДІ ЖАҚЫНДАСТЫРУДАҒЫ ЖАҢА ТРЕНД

Аңдатпа

 Бұл мақала «Бір белдеу, бір жол» бастамасы аясында әлеуметтік даму мен тұрақтылық тұрғысынан Қазақстан мен Қытай үшін мәдени алмасудың артықшылықтарына арналған. Зерттеудің мақсаты – мәдени айналым саласындағы ағымдағы жағдайды зертелеу арқылы мәдениетаралық алмасуды жақсартуға және үлкен мәдени және экономикалық пайдаларды жасауға тиімді ықпал ету бойынша негізделген ұсыныстар беру. Зерттеу мақсаттарына жету үшін Қытайда қазақ тілі мен мәдениетінің таралуы мен дамуын жан-жақты және белсенді зерттеу, Қазақстандағы Конфуций институттарын насихаттау, сондай-ақ бірлескен білім беру іс-шаралары мен халықаралық мәдени өзара әрекеттесу жүргізілуде. Салыстырмалы тәсілді қолдана отырып, мақала екі ел үшін мәдени алмасу мен мәдениетаралық өзара әрекеттесудің нақты жетістіктері мен мүдделері туралы қорытынды жасайды. «Бір белдеу және бір жол» негізгі өзара байланыстылық принципіне негізделген 150-ден астам ел мен аймақты, 32 халықаралық ұйымды, бір сөзбен айтқанда, әлем елдерінің үштен екісін және жер шарындағы халықтың 63 пайызын біріктіреді. Ең бастысы, мәдениеттердің өзара ағымы мен таралуы елдерге тамаша халықаралық таланттар мен халықаралық ынтымақтастықты дамыту үшін жоғары сапалы ынталандыруды қамтамасыз етеді. Бұған қоса, әртүрлі елдер, этностар мен діндер арасындағы өзара түсіністік пен гуманистік алмасу кедергілер мен түсінбеушіліктерді азайтып, өзара сенімді арттырып, адамзат өркениетін байытуға қолайлы жағдай туғызады.