Кілтті сөздер
Дәйексөздерді қалай жазу керек
Аңдатпа
Сыйлықтар әр түрлі жағдайлар мен мәмілелер кезінде берілетін және айырбасталатын қоғамдық қарым-қатынастың ажырамас бөлігі болып табылады. Мемлекеттің бірінші басшыларына немесе жоғары лауазымды тұлғаларына берілетін ресми немесе мемлекеттік сыйлықтар ерекше санаттағы сыйлықтар қатарын білдіреді. Олар, ең алдымен, символикалық мәнге ие, ал қатысушылардың арасында сыйлықтарды беру және алмасу олардың арасында орын алатын қарым-қатынастың сипатын қалыптастырады.
Ғасырлар бойы шетелдік көшбасшылардың сыйлық алмасуы халықаралық дипломатиямен тығыз байланысты дәстүрге айналды. Ал, мемлекеттік деңгейдегі маңызы бар сапарлар кезінде ресми түрде ұсынылатын дипломатиялық сыйлықтар елдер арасында тығыз байланыс орнатуға мүмкіндік береді.
Мақалада әр мемлекеттің хаттамалық практикасының ажырамас бөліктерінің бірі, мәртебелі шетелдік қонаққа назар аударудың символы – Кеңестік кезеңдегі және тәуелсіз Қазақстанның бірінші басшыларына арналған сыйлықтардың тарихы қарастырылады. Талдау негізінде белгілі бір тарихи кезеңнің белгілі бір дәстүрлеріне негізделген сыйлықтарды ұсыну тәжірибесінде кейбір ерекшеліктер анықталды.
Мақалада бұрын-соңды жарияланбаған, 1950 ж. Мәскеудегі мемлекет басшының сыйлықтар көрмесіне барған қарапайым кеңес азаматының өміріндегі қызықты эпизод келтірілген. Хаттан алынған бұл үзінді мемлекет басшыларына қандай сыйлықтар берілгенін, сондай-ақ бұл рәсімнің қарапайым адамдарға қандай әсер қалдырғанын анық көрсетеді. Материалды жариялау отбасы архивінің құжаттарын ұқыпты сақтаған және ұсынған хат авторының қызы, Қазақ КСР және Қазақстан Республикасы архив ісінің ардагері Елена Михайловна Грибанованың арқасында мүмкін болды
Бұл жұмыс Creative Commons Attribution 4.0 бүкіл әлем бойынша .
Авторлық құқық (c) 2024 Қазақстан-Спектр