СЫБАЙЛАС ЖЕМҚОРЛЫҚҚА ҚАРСЫ СТРАТЕГИЯЛАРДЫҢ ТИІМДІЛІГІ: ҚАЗАҚСТАНДАҒЫ ТӘЖІРИБЕЛЕР МЕН ЖЕТІСТІКТЕР

Аңдатпа

Жаһандану мен қоғамның қарқынды дамуы жағдайында сыбайлас жемқорлық мәселесі академиялық және практикалық салаларда өзекті тақырыптардың бірі болып қалып отыр. Сыбайлас жемқорлық демократияның негіздерін әлсіретеді, экономикалық прогресті тежейді және әлеуметтік әділеттілікке нұқсан келтіреді. Сондықтан мемлекеттік басқару институттары үшін сыбайлас жемқорлыққа қарсы тиімді шараларды жүзеге асыру, халықтың мемлекеттік билік органдарына деген сенімін арттыру және ашықтықты қамтамасыз ету маңызды болып табылады.

Бұл зерттеудің мақсаты – Қазақстандағы сыбайлас жемқорлыққа қарсы стратегиялардың тиімділігін талдау, сыбайлас жемқорлықтың алдын алу бойынша үздік тәжірибелерді анықтау және мемлекеттік басқару жүйесіндегі сыбайлас жемқорлыққа қарсы механизмдерді жетілдіру бойынша ұсыныстар беру.

Талдау жүргізілген құжаттардың ауқымын ескере отырып, зерттеу сапалық және сандық контент-талдау әдістері арқылы жүзеге асырылды.

Бұл зерттеудің нәтижелері мемлекеттік басқару және азаматтық қоғам ұйымдарының сыбайлас жемқорлыққа қарсы жоспарларын әзірлеуде, сондай-ақ қолданыстағы механизмдерді жетілдіруде пайдаланылуы мүмкін.