Кілтті сөздер
Дәйексөздерді қалай жазу керек
Аңдатпа
Қазақстанда 14–35 жас аралығындағы жастар халықтың үштен бір бөлігін құрай отырып, елдің әлеуметтік-экономикалық дамуы үшін маңызды стратегиялық ресурс болып табылады. Осы әлеуметтік топтың қазіргі құндылықтық бағдарлары мен мінез-құлықтық ұстанымдары қоғамдық процестерге айтарлықтай ықпал етіп, өмірлік басымдықтарды трансформациялап, жаңа әлеуметтік-мәдени трендтерді қалыптастыруда.
Осы контексте жастардың көші-қондық белсенділігін зерттеу терең әлеуметтік өзгерістердің көрсеткіші ретінде ерекше маңызға ие. 2022 жылы Қазақстанда ұзақ уақыттан кейін алғаш рет көші-қон сальдосының оң мәнге ие болуы еңбек нарығына, білім беру жүйесіне және әлеуметтік инфрақұрылымға елеулі әсерін тигізді.
Бұл зерттеу Қазақстандағы жастар көші-қонының негізгі үрдістерін құрылымдық және мотивациялық құрамдастарға басымдық бере отырып анықтауға бағытталған. Зерттеудің дереккөздік базасын ресми статистика материалдары мен социологиялық сауалнама нәтижелері құрады. Алынған деректерді талдау жастардың көші-қондық мінез-құлқына әсер ететін факторларды айқындауға мүмкіндік береді және бұл тиімді мемлекеттік стратегияларды әзірлеуге арналған маңызды эмпирикалық негіз бола алады. Мұндай стратегиялар елдің тұрақты дамуына және демографиялық тұрақтылығына ықпал етеді.
Бұл жұмыс Creative Commons Attribution 4.0 бүкіл әлем бойынша .
Авторлық құқық (c) 2025 Қазақстан-Спектр